10 hross hlutu úrvalseinkunn fyrir hægt tölt

Hægt tölt skal sýnt á 100 metra kafla fyrir miðju brautar. Gæði hæga töltsins er hluti af einkunn fyrir tölt; einkunn fyrir hægt tölt reiknast ekki sérstaklega inn í heildareinkunn heldur er hugsuð til að auka upplýsingagildi dómsins. Hraði á hægu tölti er almennt um 3-4 m/sek en aðeins meiri hraði er leyfður hjá fjögurra og fimm vetra hrossum. Fyrir hinar hærri einkunnir (9,0 eða hærra) þarf hesturinn að geta gengið upp í jafnvægisgott hægt tölt af feti án þess að þurfa til þess langan aðdraganda. Gangskiptingar fet-hægt tölt sem og hægt tölt-fet geta einnig vegið til hækkunar á einkunnum neðar í skalanum

Tíu hross hlutu 9,5 fyrir hægt tölt í ár og öll voru þau dæmd á Íslandi. Yngst þeirra er hestagullið Nótt frá Tjaldhólum sem er einungis fjögurra vetra gömul. Hún hlaut einnig 9,5 fyrir tölt og er því yngsta hrossið til þess að hljóta úrvalseinkunn fyrir bæði hægt tölt og tölt. Hún var sýnd af Teiti Árnasyni en ræktandi hennar er  Guðjón Steinarsson sem er eigandi ásamt Ragnari Rafael Guðjónssyni.