Styttist í fyrsta mót í Meistaradeild Líflands í hestaíþróttum

Í dag eru tvær vikur í það að fyrsta keppnisgrein í Meistaradeild Líflands í hestaíþróttum fari fram í HorseDay höllinni að Ingólfshvoli og að sjálfsögðu í beinni útsendingu á EiðfaxaTV.

Í fyrra var það Aðalheiður Anna Guðjónsdóttir á Flóvent frá Breiðstöðum sem sigraði keppinauta sína í þessari grein nokkuð örugglega með 8,03 í einkunn í úrslitum. Annar varð Jón Ársæll Bergmann á Halldóru frá Hólaborg með 7,60 í einkunn og í þriðja sætinu varð svo Eyrún Ýr Pálsdóttir á Drang frá Steinnesi með 7,53 í einkunn en hún stóð að lokum uppi sem heildarsigurvegari Meistaradeildarinnar árið 2025.

Til þess að hita upp fyrir fyrsta keppniskvöldið er gott að rifja upp helstu hápunktanna frá því í fyrra sem sjá má í myndbandi hér að neðan.

Tryggðu þér ársáskrift að EiðfaxaTV strax í dag og vertu með frá upphafi keppnistímabilsins, því nóg er framundan!