Kalsi frá Þúfum er efstur í A-flokki gæðinga

Þeir voru margir glæstir gæðingarnir sem komu fram í forkeppni í A-flokki gæðinga á Fjórðungsmótinu í Borgarnesi og litlu munar á eftu hestum.

Kalsi frá Þúfum er í forystu að forkeppni lokinni með einkunnina 8,67, knapi á honum er Mette Mannseth sem stóð efst í A-flokki á FM2017 á Trymbli frá Stóra-Ási og ætlar sér eflaust að leika þann leik aftur á syni hans Kalsa. Í öðru sæti er Glúmur frá Dallandi með sömu einkunn en lægri á aukastöfum knapi á honum er Jakob Svavar Sigurðsson. Kastor frá Garðshorni á Þelamörk er þriðji með 8,66 í einkunn en knapi hans er Konráð Valur Sveinsson skammt undan er svo Sægrímur frá Bergi með 8,64 í einkunn en Viðar Ingólfsson sýndi Sægrím.

Hér má sjá niðurstöðu í A-flokki gæðinga.