Elvar Þormarsson og Fjalladís frá Fornusöndum efst

Það styttist í Heimsmeistaramótið í Hollandi í ágúst en nú eru 8 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum í hverri grein. WR listinn er byggður á þremur hæstu einkunnunum sem knapi og hestur hafa náð sér í á WR mótum síðustu tvö ár.

Elvar Þormarsson og Fjalladís frá Fornusöndum eru efst á WR listanum í gæðingaskeiði en þau eru einnig með hæstu einkunnina sem gefin hefur verið eða 9.00. Ef árslistinn er skoðaður sést að ungmennið okkar Benedikt Ólafsson á Leiru-Björk frá Naustum III er áttundi á listanum.

Á árslistanum eru efstu 10 eiginlega allt íslendingar nema Laura Enderes á
Fannari von der Elschenau en þau munu keppa á Heimsmeistaramótinu fyrir hönd Þýskalands.

Highest mark registered in the FEIF WorldRanking:
Elvar Þormarsson with Fjalladís frá Fornusöndum: 9.00 (02 Jul 2023 – Brávellir : IS – WR Íslandsmót Fullorðinna og Ungmenna – IS)