Engin skráningargjöld á Flugskeiðsmóti Fáks

Á miðvikudagskvöldið kemur, þann 21. maí kl. 19:00 verður haldið í Fáki Pop-up flugskeiðsmót í Víðidalnum. Mótið verður löglegt í alla staði, opið öllum og kostar ekkert.

„Þetta verður eintóm gleði og hamingja í góðu veðri og vonandi nást frábærir tímar í þessari skemmtilegu grein,“ segir í tilkynningu frá mótshöldurum.

Skráning er opin og henni lýkur á miðnætti þriðjudaginn 20. maí.

Fyrirspurnir skal senda á skraning@fakur.is