Enn bætist í sumardagskrá EiðfaxaTV

Magnús Benediktsson, framkvæmdastjóri Eiðfaxa og Eiríkur Vilhelm Sigurðsson, formaður Hestamannafélagsins Geysis hafa undirritað samninga til tveggja ára um sýningarrétt frá mótum á vegum félagsins. Hestamannafélagið Geysir hefur um langa hríð verið eitt öflugasta félag landsins í mótahaldi á félagssvæði sínu að Rangárbökkum við Hellu.

Með þessum samningi tryggir EiðfaxiTV sér þrjú alþjóðleg (WR) íþróttamót, Íþróttamót Geysis sem fer fram um mánaðarmótin maí-júní og Suðurlandsmót yngri flokka og Suðurlandsmót Geysis sem fram fara í ágúst. Þess til viðbótar verður sýnt frá Gæðingamóti Geysis sem fram fer þriðju helgina í júní.

Þessi mót bætast við sumardagskrá EiðfaxaTV sem nú er að taka á sig mynd en í síðustu viku var undirritaður samningur við Hestamannafélagið Sleipnir um sýningarréttinn frá mótum sem fram fara á Brávöllum á Selfossi og þar á meðal Íslandsmót fullorðinna og ungmenna sem fer þar fram í sumar.

HÉR ER HÆGT AÐ GERAST ÁSKRIFANDI AÐ EIÐFAXA TV

Eiðfaxi TV er aðgengilegt á vefnum, í snjallsímum, Apple TV, Android TV, Google TV og Amazon Fire TV.

Ef einhverjar spurningar vakna eða þú þarft aðstoð vegna kaupa á áskrift þá getur þú sent okkur tölvupóst á help@eidfaxitv.is.