Gæðingaknapi ársins
Gæðingaknapi ársins 
Gæðingaknapi ársins 2023 er Gústaf Ásgeir Hinriksson en valið var kunngjört rétt í þessu á Uppskeruhátíð Landsambands hestamannafélaga sem haldin er í Gamla bíói. Í tilkynningu frá Landssambandinu kemur fram:
„Gústaf sigraði A-flokk á Fjórðungsmóti með Bjarma frá Litlu – Tungu en þeir hlutu einkunnina 9.36 ásamt því að Bjarmi var valinn gæðingur mótsins en sýning þeirra félaga bæði í forkeppni og í úrslitum var fallega útfærð, átakalaus og skein af henni mikil fagmennska. Þeir unnu einnig A-flokk á Gæðingamóti Geysis en þeir leiddu forkeppni og sigruðu úrslit á báðum mótum. Gústaf Ásgeir hlýtur nafnbótina; Gæðingaknapi ársins 2023“
Eiðfaxi óskar Gústafi Ásgeiri innilega til hamingju með árangur ársins!
Aðrir tilnefndir voru:
Auðunn Kristjánsson
Elín Árnadóttir
Jakob Svavar Sigurðsson
Sigurbjörn Bárðason
Sigurður Sigurðarson
