Jói Skúla og Evert efstir í fjórgangi

17. maí 2024
Fréttir

Laura Enderes með stórsigur í gæðingaskeiði

Fyrsta keppnisdeginum á íþróttamótinu í Kronshof í Þýskalandi er nú lokið. Eins og sagt var frá á vef Eiðfaxa fyrr í vikunni að þá er um mjög fjölmennt mót að ræða þar sem mörg sterk pör koma fram. Sýnt err beint frá mótinu og hægt að tryggja sér aðgang að útsendingunni með því að smella hér.

Forkeppni fór fram í hinum ýmsu greinum í dag auk keppni í gæðingaskeiði. Þar ber hæst forkeppni í fjórgangi fullorðinna V1 þar sem Jóhann Rúnar Skúlason og Evert frá Slippen leiða með þónokkrum yfirburðum 7,63 í einkunn en í öðru sæti er Susanne Birgisson á Krónu von der Hartmühle með 7,33 í einkunn. Frauke Schenzel er í þriðja sæti á Lýdíu frá Eystri-Hól með 7,20 í einkunn. Hér er hægt er að fylgjast með niðurstöðum frá mótinu og dagskrá þess.

Eins og áður segir var einnig keppt í gæðingaskeiði og þar náði Laura Enderes frábærum árangri á Fannari von der Elschenau með einkunnina 8,71 og unnu þau með nokkrum yfirburðum. Alexander Fedorov á Tign frá Hrafnagili urðu í öðru sæti með 8,00 og Beggi Eggertsson varð í því þriðja á Dynfara frá Steinnesi með 7,67 í einkunn.

Efstu knapar í fjórgangi

Sæti	Knapi	Hestur	Einkunn
1	Jóhann Rúnar Skúlason	Evert fra Slippen	7.63
2	Susanne Birgisson	Króna von der Hartmühle	7.33
3	Frauke Schenzel	Lýdía frá Eystri-Hól	7.20
4.1	Lena Maxheimer	Tvistur frá Kjarna	7.13
4.1	Silke Feuchthofen	Fagur vom Almetal	7.13
4.2	Josefin Þorgeirsson	Galsi vom Maischeiderland	7.13
7.1	Susanne Birgisson	Kári von der Hartmühle	7.10
7.2	Irene Reber	Dáð frá Tjaldhólum	7.10
7.3	Beeke Köpke	Múli frá Bergi	7.10
7.3	Johanna Beuk	Mía frá Flagbjarnarholti	7.10
7.4	Stefan Schenzel	Mökkur frá Flagbjarnarholti	7.10
12	Jonas Hassel	Snillingur vom Birkenhof	7.07
13	Josje Bahl	Alsvinnur vom Wiesenhof	7.03
14	Karly Zingsheim	Oscar vom Forstwald	7.00
15	Laura Midtgård Hansen	Gimsteinn frá Íbishóli	6.93

Efstu knapar í gæðingaskeiði

sæti	Knapi	Hestur	einkunn
1	Laura Enderes	Fannar von der Elschenau	8,71
2	Alexander Fedorov	Tign frá Hrafnagili	8,00
3	Beggi Eggertsson	Dynfari frá Steinnesi	7,67
4	Beggi Eggertsson	Tangó frá Litla-Garði	7,54
5	Vicky Eggertsson	Ylfa frá Miðengi	7,50
6	Simon Pape	Gleði fra Egholm	6,96
7	Patricia Grolig	Svikahrappur frá Borgarnesi	6,92
8	Clara Friedrich	Hausti frá Kagaðarhóli	6,71
8	Styrmir Árnason	Cortes frá Ármóti	6,71
8	Ladina Sigurbjörnsson-Foppa	Þokkadís frá Eystra-Fróðholti	6,71