Konráð Valur skeiðmeistari ársins 2021

Síðustu Skeiðleikar Baldvins og Þorvaldar og Skeiðfélagsins fóru fram samhliða Suðurlandsmóti um síðustu helgi. Góð skráning var á Skeiðleikana og frábærir tímar náðust í öllum greinum og þar á meðal bestu tímar ársins í 250 og 150 metra skeiði.

Konráð Valur Sveinsson stóð uppi sem heildarsigurvegari Skeiðleikana og það ekki í fyrsta skipti. 10 efstu sæti í hverri grein gefa stig í heildarkeppninni. Konráð Valur hlaut að launum 100.000 króna gjafaúttekt í Baldvini og Þorvaldi auk þess að fá til varðveislu farandbikarinn Öderinn sem gefin er af Gunnari Arnarsyni og Kristbjörgu Eyvindsdóttur til minningar um Einar Öder Magnússon.

1. Konráð Valur Sveinsson – 89 stig
2. Ingibergur Árnason – 59 stig
3. Eyrún Ýr Pálsdóttir – 56 stig
4. Sigursteinn Sumarliðason – 48 stig
5. Þórarinn Ragnarsson – 46 stig
6. Hans Þór Hilmarsson – 46 stig

Sigursteinn Sumarliðason og Krókus frá Dalbæ unnu 250 metra skeiðið á besta tíma ársins hér á landi,21,44 sekúndum. Konráð Valur Sveinsson og Kjarkur frá Árbæjarhjáleigu II lentu í öðru sæti á næst besta tíma ársins, 21,62 sekúndum og í því þriðja varð Daníel Gunnarsson á Einingu frá Einhamri á 22,68 sekúndum.

Þórarinn Ragnarsson og Bína frá Vatnsholti settu besta tíma ársins í 150 metra skeiði og unni 150 metra skeið, tími þeirra var 14,12 sekúndur. Hans Þór Hilmarsson og Vorsól frá Stóra-Vatnsskarði lentu í öðru sæti á 14,46 sekúndum og í því þriðja var Árni Björn Pálsson og Seiður frá Hlíðarbergi á 14,52 sekúndum.

Konráð Valur Sveinsson og Kjarkur frá Árbæjarhjáleigu II voru fljótastir 100 metrana á 7,44 sekúndum, næst fljótastur var Árni Björn Pálsson á Óliver frá Hólaborg á 7,62 sekúndum og Daníel Gunnarsson og Eining frá Einhamri fóru á 7,63 sekúndum.

250 metra skeið

150 metra skeið

100 metra flugskeið