Myndband frá Landsmóti 1978
Eiðfaxi rakst á þetta skemmtilega myndband frà Landsmótinu 1978 að Skógarhólum í Þingvallasveit en mótið er áttunda Landsmótið sem hefur verið haldið.
Það er margt að sjá á þessu myndbandi m.a. brot frá sýningum Náttfara frá Ytra Dalsgerði í elsta flokki stóðhesta og Gáska frá Hofsstöðum í 5 vetra flokki. Sýnt er frá keppni í B-flokki, A-flokki og úrslitum í tölti þegar þeir Hlynur frá Akureyri og Eyjólfur Ísólfsson stóðu uppi sem sigurvegarar. Einnig eru þarna afkvæmasýningar hryssna og stóðhesta m.a. Sörla frá Sauðárkróki.
Nýjar keppnisgreinar bættust við á mótinu en unglingar og ungt hestafólk keppti á mótinu. Einnig er sýnt frá kappreiðum í stökki og skeiði, söluuppboði á hrossum ásamt fleiru skemmtilegu.
Myndbandið er birt með góðfúslegu leyfi RÚV.