Norðmenn verðlaunuðu knapa og ræktendur

Íslandshestasamtökin í Noregi héldu haustráðsstefnu og uppskeruhátíð nú um helgina. Þar voru knapar og ræktendur ársins heiðraðir.

Í fullorðinsflokki var það Christina Lund sem var valinn íþróttaknapi ársins, Nils Christian Larsen var valinn gæðingaknapi ársins og Gunnlaugur Bjarnason kynbótaknapi ársins. Ræktunarbúársins var Kolneset.

Christina Lund átti góðu gengi að fagna í ár á Lukku-Blesa frá Selfossi en þau urðu m.a. Norðurlandameistarar í slaktaumatölti og samanlögðum fjórgangsgreinum.

Nils-Christian Larsen átti einnig gott ár og á Fenri frá Feti náði hann í hæstu einkunn ársins í B-flokki, 8,91 í einkunn.

Gunnlaugur Bjarnason sýndi 11 hross í fullnaðardómi í ár þar sem hæst ber einkunn hins fjögurra vetra gamla Frama frá Kolneset sem hlaut 8,19 í aðaleinkunn.

Knapar ársins
Íþróttaknapi
Fullorðinsflokki, Christina Lund

Ungmennaflokki, Luisa Husby Sem

Unglingaflokki, Alice Brandsgård Skaug

Gædinga:
Fullorðinsflokki, Nils Christian Larsen

Ungmennaflokki, Malin Brandsgård Skaug

Unglingaflokki, Elisa Lund Iskov

Avl:
Hvatningarverðlaun til ungs kynbótaknapa – Hanne Kjærstad Helgerud

Kynbótaknapi ársins – Gunnlaugur Bjarnason

Norsk fæddi stóðhestur ársins – Frami fra Kolneset. Ræktendur: Per og Tone Kolnes

Norsk fædda hryssa ársins – Milljón fra Bergkåsa. Eigandi: Liv Runa Sigtryggsdottir

Ræktendur ársins – Kolneset, Per og Tone Kolnes

Stóðhestur ársins – Sölvi fra Finnastodum.Eigandi: Kristian Oaland

Hryssa ársins – Milljón fra Bergkåsa. Eigandi Liv Runa Sigtryggsdottir

Førstepremie for avkom: Teigur vom Kronshof. Eigandi Elin Johanssen

Heiðursverðlaun fyrir afkvæmi: Ölnir frá Akranesi. Eigendur Gunn Iren Larsen og Leif Arne Ellingseter.