Sólfaxi sá eini með 10 fyrir hægt tölt

Nú þegar kynbótasýningum árið 2022 er lokið þá er gaman að renna yfir níufimmur og tíur ársins í einstökum eiginleikum. Næsti eiginleikinn sem við tökum fyrir hér á vef Eiðfaxa er hægt tölt.

Sólfaxi frá Herríðarhóli var sá eini sem hlaut 10,0 fyrir hægt tölt á árinu en hann hlaut einkunnina tvisvar. Fyrst á vorsýningu á Hellu og síðan á Landsmótinu. Til gamans má geta að Sólfaxi hlaut einnig 10 fyrir tölt.

Sólfaxi er undan Óskasteini frá Íbisóli og Hyllingu frá Herríðarhóli. Ræktandi Sólfaxa er Ólafur Arnar Jónsson en eigendur eru Anja Egger-Meier og Grunur ehf. Sólfaxi var sýndur af Árna Birni Pálssyni.

Tíu hross hlutu 9,5 fyrir tölt á árinu. Athygli vekur að öll þessi hross voru sýnd á Íslandi.

Listi yfir þau hross sem hlutu 9,5 fyrir tölt.