Suðurlandsdeildin 2021 – Lið BYKO
Áttunda liðið sem við kynnum til leiks af þeim fjórtán sem taka þátt í deildinni í vetur er lið BYKO.
Keppni í Suðurlandsdeildinni hófst þann 2. mars með keppni í Parafimi þar sem lið Byko hafnaði í öðru sæti í stigakeppninni og er því liðið komið í góða stöðu fyrir framhaldið. Næsta grein Suðurlandsdeildarinnar er fjórgangur sem fer fram þann 16. mars n.k. Sýnt verður beint frá keppninni á Alendis TV sem og öðrum viðburðum deildarinnar í vetur.
Um BYKO
Árið 1962 opnuðu Guðmundur H. Jónsson og Hjalti Bjarnason 135 fermetra byggingavöruverslun við Kársnesbraut í Kópavogi. Í upphafi var einungis verslað með grófa vöru en innan árs var opnuð þar smávöruverslun. Árið 1972 var verslunin flutt að Nýbýlavegi 6 og varð hún strax leiðandi verslun á sínu sviði. BYKO er enn í dag í eigu sömu fjölskyldu.
BYKO er leiðandi fyrirtæki á íslenskum byggingarvörumarkaði sem þjónustar bæði einstaklinga og fagaðila í byggingariðnaði. BYKO rekur byggingarvöruverslanir, leigumarkað og vöruhús í Kópavogi, Reykjavík, Reykjanesbæ, á Selfossi og Akureyri. Auk þess leggur fyrirtækið áherslu á að þróa stafrænar lausnir og dreifileiðir við þjónustu við viðskiptavini.
Við hefjum svo kynninguna venju samkvæmt á kynningu á liðsstjóra liðsins, Brynju Amble Gísladóttur og keppir hún sem atvinnumaður.
Nafn: Brynja Amble Gísladóttir
Aldur: 27 ára
Fjölskylduhagir: Vel sett þar ég á 2 úrvalssystkini og frábæra foreldra ásamt ásamt þeirra mökum.
Atvinna: Ég vinn við tamningar og þjálfun í Syðri-Gegnishólum, Flóahrepp
Stefni á þátttöku í eftirfarandi greinum: Stefnan er á parafimi, fjórgang og tölt en það kemur örugglega í ljós á endanum.
Markmið með þátttöku í deildinni: Hafa gaman, æfa sig og meika það
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: ætli ég myndi ekki bara stela undan mömmu eða pabba, Álfaklettur og Trymbill myndu gefa manni færi á að spreyta sig í hvaða grein sem er myndi hugsanlega reyna að skipta um nafn á þeim til að taka af smá pressu.
Aðrir atvinnumenn liðsins eru:
Nafn: Herdís Rútsdóttir
Aldur: 29 ára
Fjölskylduhagir: Er í sambúð og á tvö börn
Atvinna: Kenni í Laugalandsskóla og stunda tamningar
Stefni á þátttöku í eftirfarandi greinum: Fimmgangi allavegana ef allt gengur upp
Markmið með þátttöku í deildinni: Skila góðri sýningu og gera aðeins betur en síðast.
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: Trúlega einhvern sem hentaði vel bæði í fjórgang og tölt. Ef ég tek mið af meistaradeldinni þar síðustu þá væri ég til dæmis alveg til í að fá gæðinginn Glampa lánaðann hjá Olil vinkonu minni.
Nafn: Elin Holst
Aldur: 35 ára
Fjölskylduhagir: Single and ready to mingle
Atvinna: Tamningar og þjálfun í Syðri-Gegnishólum
Stefni á þátttöku í eftirfarandi greinum: Bara sem flestu.
Markmið með þátttöku í deildinni: Hafa gaman og gera sitt besta.
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: Einfalt, myndi vilja Álfaklett.
Áhugamenn liðsins eru:
Nafn: Maiju Maaria Varis
Aldur: 27 ára
Fjölskylduhagir: Í sambandi
Atvinna: Ég vinn við tamningar og þjálfun á Brjánsstöðum á Skeiðum.
Stefni á þátttöku í eftirfarandi greinum: Liklegast í öllum greinum
Markmið með þátttöku í deildinni: Hafa gaman og gera sitt besta. Safna í reynslubankann.
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: Ég myndi vilja fá gjarnan gæðinginn hann Spuna frá Vesturkoti lánaða, hann myndi pottþétt að meika það í öllum greinum.
Nafn: Árni Sigfús Birgisson
Aldur :36 ára
Fjölskylduhagir: Er í sambúð og á tvö yndisleg börn
Atvinna: Hellulagnir og lóðafrágangur
Stefni á þátttöku í eftirfarandi greinum: Maður stefnir hátt!!! svo kemur það bara í ljós
Markmið með þátttöku í deildinni: Standa sig
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: Kjarkur frá Árbæjarhjáleigu
Nafn: Sævar Örn Sigurvinsson
Aldur: 50 ára
Fjölskylduhagir: Vel giftur 6 barna faðir
Atvinna: Rófubóndi og ferðaþjónustu bóndi
Markmið með þátttöku í deildinni: Gera sitt besta fyrir liðið og ríða yfir Árna Sigfús í flestum greinum
Hvaða hest lífs eða liðinn myndir þú vilja fá í hendurnar til að styrkja hestakostinn fyrir keppnistímabilið: Frama frá Ketilstöðum og Álfaklett væri næs