Tvær tíur!
Sólfaxi frá Herríðarhóli var rétt í þessu að fá 10 fyrir tölt og 10 fyrir hægt tölt !
Sólfaxi var sýndur af Árni Birni Pálssyni á Gaddstaðaflötum á Hellu og eru dómarar þar Elsa Albertsdóttir, Gísli Guðjónsson og Jón Vilmundarson.
Sólfaxi hlaut fyrir sköpulag 8,69 og fyrir hæfileika 8,41 sem gerir 8,51 í aðaleinkunn. Hæfileikar án skeiðs 9,03 og aðaleinkunn án skeiðs 8,91.
Sólfaxi er sex vetra undan Óskasteini frá Íbishóli og Hyllingu frá Herríðarhóli. Óskasteinn sjálfur hlaut 9,5 fyrir tölt og hægt tölt á sínum tíma og Hylling er með 9,0 fyrir báða eiginleika í sínum hæsta kynbótadómi en fékk þó 9,5 fyrir hægt tölt, 7 vetra.
Ræktandi Sólfaxa er Ólafur Arnar Jónsson en eigendur eru Anja Egger-Meier og Grunur ehf.
DÓMUR SÓLFAXA