Kynbótasýningarárið í Noregi

Í Noregi voru haldnar tvær kynbótasýningar. Fullnaðardómar voru 43 talsins. Agnar Snorri Stefánsson var með flestar sýningar á árinu í Noregi eða 7 talsins.

Svanur fra Kringeland hlaut hæsta dóm ársins í Noregi, 8,53 í aðaleinkunn, sýndur af Tryggva Björnssyni. Svanur hlaut hæstu einkunn fyrir sköpulag og hæfileika einnig en fyrir sköpulag hlaut hann 8,64 og 8,47 fyrir hæfileika. Hann hlaut m.a. 9,5 fyrir bak og lend og 9,0 fyrir brokk, samstarfsvilja, samræmi og hófa. Svanur er 7 vetra undan Sævari frá Hæli og Öldu fra Kringeland sem er undan Rey frá Dalbæ og Dúkku frá Búlandi. Svanur er í eigu og ræktaður af Inge Kringeland.

Kastanía frá Rauðalæk er hæst dæmda hryssa ársins í Noregi, sýnd af Steinari Clausen Kolnes. Kastanía er 8 vetra og hlaut í aðaleinkunn 8,17, 8,46 fyrir sköpulag og 8,02 fyrir hæfileika. Hún er undan Spuna frá Vesturkoti og Furu frá Hellu sem er undan Eldjárni frá Tjaldhólum og Ösp frá Skammbeinsstöðum 3. Ræktandi Kastaníu er Johannes Kolnes og Marie Cecilie Clausen Kolnes en þau eru einnig eigendur.

Tvær tíur voru gefnar í Noregi en þær voru báðar fyrir prúðleika en það voru þeir Hrafn fra Kringeland og Tannálfur fra Fossanmoen sem hlutu þær.

10 hæst dæmdu stóðhestarnir í Noregi í ár

10 hæst dæmdu hryssurnar í Noregi í ár