399 1.verðlauna stóðhestar fluttir úr landi frá því árið 2015

Margir hrossaræktendur eiga afkomu sína undir því að ná að selja gripi sína á góðu verði. Því er fróðlegt að skoða hversu mikið af 1.verðlauna hrossum hafa verið flutt úr landi á síðastliðnum árum.

Blaðamaður Eiðfaxa lagðist í rannsóknarvinnu og hefur nú undir höndum lista yfir þau hross sem flutt hafa verið úr landi á tímabilinu frá ársbyrjun 2015 til 1.október 2020. En alls eru þau 702 talsins.

Rúmlega 300 1.verðlauna hryssur voru fluttar úr landi á sama tímabili.

Nú kynnum við okkur þá stóðhesta/geldinga sem fluttir hafa verið erlendis á þessum tímabili en þeir eru alls 399 talsins.

Hæst dæmdur á þessum lista er Þórálfur frá Prestsbæ en hann fór erlendis árið 2017 þegar hann var þátttakandi í flokki stóðhesta sjö vetra og eldri á HM2017.

Hér fyrir neðan er heildarlisti yfir þá 1.verðlauna stóðhesta sem fluttir hafa verið út á þessu tímabili.