Opið fyrir umsóknir í Suðurlandsdeildina
Opið fyrir umsóknir í Suðurlandsdeildina 
Umsókninni þurfa að fylgja staðfest nöfn 2-3 atvinnumanna og 3 áhugamanna. Dregið verður úr umsóknum. Þau lið sem féllu úr deildinni 2024 geta sótt um aftur og fara í pottinn ásamt nýjum liðum sem sækja um.
Liðin verða áfram skipuð 2-3 atvinnumönnum og 3 áhugamönnum. Í parafimi keppir eitt par skipað 1 atvinnumanni og 1 áhugamanni. Í skeiði, slaktaumatölti og parafimi keppir 1 atvinnumaður og 1 áhugamaður en í öðrum greinum keppa 2 atvinnumenn og 2 áhugamenn. Áhugamaður má keppa sem atvinnumaður en atvinnumaður má ekki keppa sem áhugamaður.
Áfram verður Suðurlandsdeildin einungis liðakeppni en þrjú stigahæstu liðin verða verðlaunuð.
Atvinnumaður: Allir ásamt ungmennum.
Áhugamaður: Er að lágmarki 18 ára á árinu og má ekki hafa keppt í meistaraflokki síðustu 2 ár.
Stjórn Suðurlandsdeildarinnar hefur loka ákvörðunarvald um hvort knapar uppfylli inngangsskilyrði.
Keppniskvöldin verða fjögur:
4. mars – Parafimi og slaktaumatölt
18. mars – Fjórgangur
8. apríl – Fimmgangur
22. apríl – Tölt og skeið
Þátttökugjald 2025 er 200.000 kr. Innifalið í gjaldinu eru tveir æfingatímar í Rangárhöllinni fyrir hvert keppniskvöld og ein auglýsing í streymi.
Allar spurningar sem og umsóknir vegna Suðurlandsdeildar skulu sendar á rangarhollin@gmail.com.
Hvetjum hestamenn að safna saman í lið og sækja um í Suðurlandsdeildina sem er að hefja sitt níunda tímabil.
Sjáumst í Rangárhöllinni í vetur!
Höskuldur Þráinsson er fallinn frá 
20 knapar í landsliðshópi Íslands í hestaíþróttum 
Töluverðar breytingar á liði Austurkots/Pulu 
Sýnikennsla með Hönnu Rún og Hjörvari á Flúðum á morgun 
Miðasala er hafin á uppskeruhátíð Fáks og Spretts! 
Aðalfundur FT