Jakob og Skarpur Íslandsmeistarar í tölti

Þvílíku tilþrifin í tölt úrslitunum og held ég að það sé óhætt að segja að þetta hafi verið ein sterkustu tölt úrslit sem sést hafa lengi.

Jakob Svavar Sigurðsson og Skarpur frá Kýrholti leiddu eftir hæga töltið en þeir hlutu 9,50 í einkunn. Ásmundur Ernir Snorrason og Hlökk frá Strandarhöfði voru þó ekki langt undan með 9,33 í einkunn fyrir hæga töltið og hlutu þau m.a. 10 frá einum dómara.

Í hraðabreytingunum skiptu þeir um sæti og var spennan mikil fyrir síðasta atriðið, greitt tölt. Ásmundur og Hlökk misstu því miður undan sér skeifu í einni beygjunni á greiðu tölti og urðu því miður að hætta keppni. Jakob og Skarpur voru glæsilegir á yfirferðinni og enduðu með 9,33 í einkunn og Íslandsmeistaratitilinn þeirra.

Í öðru sæti varð Árni Björn Pálsson á Kastaníu frá Kvistum og í því þriðja Flosi Ólafsson á Röðli frá Haukagili Hvítársíðu með 8,89 í einkunn.

Ásmundur Ernir var síðan verðlaunaður fyrir samanlagður árangur en hann er tvöfaldur Íslandsmeistari í samanlögðum greinum. Samanlagður sigurvegari í fjórgangsgreinum á Hlökk frá Strandarhöfði og í fimmgangsgreinum á Aski frá Holtsmúla. Þetta er annað Íslandsmótið í röð sem Ásmundur nær þessum árangri.

Sæti Keppandi Heildareinkunn
1 Jakob Svavar Sigurðsson / Skarpur frá Kýrholti 9,33
Hægt tölt 9,50 9,50 9,00 9,50 9,50 = 9,50
Tölt með hraðamun 9,50 9,00 9,00 9,50 9,00 = 9,17
Greitt tölt 9,00 9,50 9,00 9,50 9,50 = 9,33

2 Árni Björn Pálsson / Kastanía frá Kvistum 8,94
Hægt tölt 9,00 9,00 9,00 9,00 9,00 = 9,00
Tölt með hraðamun 9,00 9,00 8,50 9,00 9,00 = 9,00
Greitt tölt 8,50 9,00 8,50 9,00 9,00 = 8,83

3 Flosi Ólafsson / Röðull frá Haukagili Hvítársíðu 8,89
Hægt tölt 8,50 9,50 9,50 8,50 8,50 = 8,83
Tölt með hraðamun 8,50 8,00 8,50 8,50 8,50 = 8,50
Greitt tölt 9,00 9,50 9,50 8,50 9,50 = 9,33

4 Benjamín Sandur Ingólfsson / Elding frá Hrímnisholti 8,61
Hægt tölt 8,00 9,00 8,50 8,50 7,50 = 8,33
Tölt með hraðamun 8,50 8,50 8,50 9,00 8,00 = 8,50
Greitt tölt 9,00 9,00 9,00 9,00 9,00 = 9,00

5 Brynja Kristinsdóttir / Sunna frá Haukagili Hvítársíðu 8,44
Hægt tölt 7,50 8,50 9,00 8,50 8,50 = 8,50
Tölt með hraðamun 8,50 8,00 8,00 8,50 8,50 = 8,33
Greitt tölt 8,50 8,50 8,00 8,50 8,50 = 8,50

6 Ásmundur Ernir Snorrason / Hlökk frá Strandarhöfði 6,28
Hægt tölt 9,00 10,00 9,50 9,50 9,00 = 9,33
Tölt með hraðamun 9,50 9,50 9,50 9,50 9,50 = 9,50
Greitt tölt 0,00 0,00 0,00 0,00 0,00 = 0,00