Skeiðknapi ársins

Skeiðknapi ársins 2025 er Konráð Valur Sveinsson en valið var kunngjört rétt í þessu á Uppskeruhátíð Landsambands hestamannafélaga í Gamla Bíói. Í tilkynningu frá Landssambandinu kemur fram:

„Konráð setti á árinu frábært heimsmet í 250 m. skeiði á Kastor frá Garðshorni þegar þeir félagar hlupu sprettinn á 21.06 sek á Íslandsmótinu í sumar. Konráð er þar að auki Íslandsmeistari í 100 m. skeiði og 250 m. skeiði ásamt því að hafa sigrað sömu greinar á Reykjavíkurmeistaramótinu. Hann er einnig samanlagður sigurvegari skeiðleika Skeiðfélagsins og þar með Ödershafinn 2025.“

Aðrir tilnefndir voru:

• Árni Björn Pálsson
• Hans Þór Hilmarsson
• Ingibergur Árnason
• Sigursteinn Sumarliðason