Tvö gull til Svíþjóðar og eitt til Danmerkur í 100 metra skeiði

Keppni í 100 metra skeiði lauk nú rétt í þessu. Íslendingum tókst ekki að næla sér í sigur í neinum flokki en íslensku knaparnir náðu þó góðum tímum. Hægt er að horfa á Norðurlandamótið í beinni á EiðfaxaTV. Þá er einnig hægt að fylgjast með dagskrá mótsins, ráslistum, niðurstöðum og fleiru á snjallforriti HorseDay.

Í fullorðinsflokki sýndi Nathalie Fischer á Ímni fra Egeskov yfirburi sína og nældi sér í gull á tímanum 7,52 sekúndum. Landa hennar frá Danmörku, Tania Højvang Jensen, á Glúmi frá Þóroddsstöðum varð önnur á tímanum 7,61 og Guðmundur Einarsson á Draumi från Tängmark urðu í þriðja sæti á 7,68 sekúndum. Íslensku knaparnir í þessum flokki voru þeir Sigurður Narfi Birgisson á Randver frá Þóroddsstöðum og Kristján Árni Birgisson á Kröflu frá Syðri-Rauðalæk og urðu þeir í fimma og sjötta sæti.

Í ungmennaflokki var það Olivia Agerhill frá Svíþjóð sem sigraði keppinauta sína á hryssunni Júlíu från Agersta á tímanum 7,76 sekúndur. Dagur Sigurðarson á Galbjarti frá Hóli varð fjórði á 812 sekúndum.

Í unglingaflokki fór gullið einnig til Svíþjóðar því þar fór hraðast Vera Elgholm á Dreka från Lind á tímanum 8,43. Viktor Arnbo á Ársólu från Stensäter keppti fyrir hönd Íslands og náði sér í brons á tímanum 9,70 sekúndur.