Klara Nydahl og Dagur Norðurlandameistarar ungmenna í fimmgangi

Úrslitadagur Norðurlandamóts í hestaíþróttum er upp runninn sem að sjálfsögðu er í beinni á EiðfaxaTV en allar upplýsingar, ráslista og dagskrá er hægt að sjá í HorseDay og einnig má sjá dagskrá dagsins hér.

Úrslit í ungmennaflokki í fimmgangi voru spennandi og knapar þar vel hestaðir. Mjótt var á munum á öllum atriðum og baráttan um sigur spennandi. Að loknum öllum atriðum voru þær Klara Nydahl á Degi frá Ketilsstöðum og Palma Sandlau Jacobsen á Búa frá Húsavík jafnar með 6,76 og þurfti því sætaröðun dómara til að skera úr um sigur og þar varð Klara hlutskarpari og því Norðurlandameistari. Þórgunnur Þórarinsdóttir var skammt undan á Tófu Þorvardóttur með 6,69 í einkunn og silfur því niðurstaðan fyrir hana. Kristín Eir Hauksdóttir Holaker á Engli frá Ytra-Bægisá varð fimmta með 6,33 í einkunn.