Eiðfaxi auglýsir eftir blaðamanni

Eiðfaxi leitar eftir því að ráða einstakling sem hefur brennandi áhuga á hestamennsku og fjölmiðlun.

Við leitum að einstaklingi sem hefur gott vald á íslensku, vinnur sjálfstætt og af vandvirkni, hefur góða samskiptahæfileika, frumkvæði og metnað í starfi.

Um er að ræða áhugavert og fjölbreytt starf hjá rótgrónum miðli þar sem tækifæri gefst til að hafa áhrif á þróun fréttamiðlunar um íslenska hestamennsku. Æskilegt er að viðkomandi geti hafið störf sem fyrst.

Helstu verkefni

• Skrifa og vinna fréttir og annað blaðamannaefni.
• Taka viðtöl og afla upplýsinga.
• Fylgjast með fréttum og samfélagsumræðu.
• Vinna efni fyrir vef og samfélagsmiðla.
• Taka þátt í hugmyndavinnu og ritstjórn.

Við leitum að einstaklingi sem

• hefur gott vald á íslensku máli
• er forvitinn, gagnrýninn og skapandi
• hefur gott fréttanef
• hefur góða þekkingu á íslenskri hestamennsku og áhuga á greininni
• vinnur vel sjálfstætt og í teymi
• er nákvæmur og vandvirkur
• getur unnið undir álagi
• getur tjáð sig skýrt og af öryggi fyrir framan myndavél.

Umsóknarfrestur er 10. september

Umsóknir, ásamt ferilskrá og stuttri kynningu, og fyrirspurnir sendist á eidfaxi@eidfaxi.is.

Við hvetjum áhugasama með metnað fyrir fréttamennsku og ástríðu fyrir hestamennsku til að sækja um!