Skýr átti flest sýnd afkvæmi í ár

Kynbótasýningum ársins á Íslandi lauk í ágúst með síðsumarssýningum á Rangárbökkum og á Hólum. Alls voru haldnar 19 sýningar á fimm mismunandi stöðum á landinu, auk kynbótasýningar á Landsmóti.

Fjölmargir stóðhestar áttu afkvæmi sem mættu til kynbótadóms og hér að neðan má sjá þá stóðhesta sem áttu sex afkvæmi eða fleiri sýnd í ár. Flest þeirra á Skýr frá Skálakoti alls 73 talsins. Næstur á eftir honum er Þráinn frá Flagbjarnarholti með 67 afkvæmi og svo koma þeir með jafnmörg afkvæmi til dóms þeir Álfaklettur frá Syðri-Gegnishólum og Kveikur frá Stangarlæk 1 með 49 talsins.