Bikarmót Vesturlands

Bikarmót Vesturlands og gæðingamót Borgfirðings, Snæfellings og Dreyra fór fram nú um helgina í Borgarnesi. Keppt var í hinum hefðbundnu flokkum gæðingakeppninnar bæði í gæðingaflokki 1 og gæðingaflokki 2, sem er hugsaður fyrir minna vana keppnisknapa.

Bikarmótið fór þannig fram að knapar söfnuðu stigum fyrir sitt félag og að lokum fór það svo að Borgfirðingur varð Bikarmeistari með flest stig.

Auk þess var í fyrsta skipti keppt í gæðingatölti sem er tölt keppnisgrein er byggir á leiðara gæðingakeppninnar. Samkvæmt heimildum Eiðfaxa þá tókst þessi keppnisgrein vel og var þátttaka í hana með ágætum. Þessi keppnisgrein gæti orðið til þess að auðvelda félögum að halda töltkeppni samhliða gæðingamótum þar sem gæðingadómarar geta dæmt hana en ekki þurfa að koma til íþróttadómarar.

Blaðamaður Eiðfaxa kynnti sér niðurstöður mótsins í gegnum Sportfeng en mynd sem fylgir mótinu var fengin af facebooksíðunnu Vestlenskir hestamenn.

Í A-flokki gæðinga stóð efstur Goði frá Bjarnarhöfn með einkunnina 8,83 í úrslitum en hann hlaut m.a. yfir 9,0 í meðaleinkunn fyrir skeið. Knapi á honum var Hans Þór Hilmarsson.  Í A-flokki í gæðingaflokki 2 sigraði Brennir frá Votmúla og Arna Hrönn Ámundadóttir.

Í B-flokki gæðinga var það Melódía frá Hjarðarholti sem sigraði með 8,69 í einkunn í úrslitum, knapi á henni var Elín Magnea Björnsdóttir. Í gæðingaflokki 2 stóð efstur Polki frá Ósi og Guðrún Fjeldsted með 8,24 í einkunn.

Í Barnaflokki var það Þórunn Ólafsdóttir sem stóð efst á Styrki frá Kjarri með 8,35 í einkunn. Kolbrún Katla Halldórsdóttir sigraði keppni í unglingaflokki á Sigurrós frá Söðulsholti með 8,68 í einkunn í úrslitum. Í B-flokki ungmenna voru það Arna Hrönn Ámundadóttir og Hrafn frá Smáratúni sem stóðu efst með 8,29 í einkunn.

Gæðingatölt 2.flokkur

1. Björg María Þórsdóttir – Styggð frá Hægindi
2. Arna Hrönn Ámundadóttir – Hrafn frá Smáratúni
3. Rósa Björk Jónsdóttir – Gormur frá Vatnshömrum
4. Inga Dóra Sigurbjörnsdóttir – Hringur frá Minni-Borg
5. Harpa Sigríður Magnúsdóttir – Sólon frá Krækishólum
6. Nadine Elisabeth Walker – Valur frá Syðra-Kolugili

Gæðingatölt – Yngri flokkar

1. Arndís Ólafsdóttir – Júpíter frá Magnússkógum
2. Kristín Eir Hauksdóttir Holaker – Sóló frá Skáney
3. Kolbrún Katla Halldórsdóttir – Kolfreyja frá Snartartungu
4. Harpa Dögg Bergmenn Hreiðarsdóttir – Abba frá Minni-Reykjum
5. Hafdís Lóa Sigurbjörnsdóttir – Hylling frá Minni-Borg
6. Haukur Orri Bergmann Heiðarsson – Tenor frá Grundarfirði
7. Tinna Guðrún Alexandersdóttir

Gæðingatölt – 1.flokkur

1. Haukur Bjarnason – Skörungur frá Skáney
2. Randi Holaker – Sól frá Skáney
3. Ásdís Sigurðardóttir – Kveikur frá Hrísdal
4. Hrefna Rós Lárusdóttir – Hergill frá Þjóðólfshaga 1
5. Guðný Margrét Siguroddsdóttir – Bragi frá Hrísdal
6. Gísli Pálsson – Gimli frá Lágmúla