Félagsmót Skagfirðings – Niðurstöður

Félagsmót Hestamannafélagsins Skagfirðings fór fram sunnudaginn 14.júní þegar keppt var í hinum hefðbundnu greinum gæðingakeppninnar. Þátttaka var með ágætum og hestakosturinn góður.

Í A-flokki gæðinga var það Stimpill frá Þúfum sem stóð efstur en knapi á honum var Freyja Amble Gísladóttir, Stimpill hlaut í einkunn 8,73. Það voru því tveir hestar frá Þúfum sem stóðu efstir í A-flokki gæðinga þessa helgina því hálfbróðir Stimpils, Sólon frá Þúfum, stóð efstur í A-flokki hjá Geysi en báðir eru þeir undan Trymbli frá Stóra-Ási.

Hraunar frá Vatnsleysu var hlutskarpastur B-flokks gæðinga en knapi á honum var Arndís Brynjólfsdóttir og hlaut Hraunar 8,80 í einkunn í úrslitum. Í gæðingaflokki 2, sem er hugsaður fyrir minna vana keppnisknapa, að þá var það Fönix frá Hlíðartúni og Björn Ingi Ólafsson sem urðu efstir.

Það var hún Guðrún Elín Egilsdóttir sem varð efst í barnaflokki á hestinum Rökkva frá Miðhúsum með einkunnina 8,52. Þórgunnur Þórarinsdóttir varð efst unglinga á Flipa frá Bergsstöðum með 8,49 í einkunn.

Í Ungmennaflokki var keppt í A-flokki og B-flokki en í A-flokknum var það Bjarki Fannar sem sat Vissu frá Jarðbrú og varð efstur með 8,43 í einkunn. Í B-flokki ungmenna stóð Freydís Þóra Bergsdóttir efst með einkunnina 8,43 á Ösp frá Narfastöðum.

hér fyrir neðan má sjá öll úrslit mótsins.