Æfinga kynbótasýning fyrir alla!

Fimmtudaginn 22. og 23.maí nk ætlar hestamannafélagið Sprettur, í samstarfi við RML, að bjóða upp á æfinga-kynbótasýningu. Ákveðið hefur verið að opna sýninguna fyrir allan aldur.

Slíkt hefur ekki verið í boði hérlendis áður en það getur reynst knöpum erfitt skref að stíga að mæta til dóms á kynbótabrautinni. Því höfum við ákveðið að setja á laggirnar æfinga-kynbótasýningu sem verður útfærð nákvæmlega eins og alvöru sýning nema tölur verða ekki skráðar í gagnagrunn WorldFengs heldur fá þátttakendur umsögn frá kynbótadómurum og einkunnir afhentar á blaði.

Fimmtudaginn 22.maí munu fara fram fordómar, s.s. sköpulags- og hæfileikadómur, og föstudaginn 23.maí fer fram yfirlitssýning. Mælingar og sköpulagsdómar fara fram í Samskipahöll og hæfileikadómur á kynbótabraut Spretts.

Starfsmenn og kynbótadómarar RML starfa á sýningunni.

Miðað er við þrjú dómaholl, 6-7 hross í hverju holli. Dómarar ræða við hvern sýnanda að lokinni hverri sýningu og gefa umsagnir og einkunnir.

Einungis eru 20 laus pláss á sýninguna. Skráningu lýkur þegar plássin fyllast eða í síðasta lagi á miðnætti mánudaginn 12.maí.

Eingöngu er boðið uppá skráningu í fullnaðardóm.

Verð er 31.500kr.

Skráning er opin og fer fram HÉR