Allar upplýsingar um Landsmót á einum stað
Smáforritið HorseDay hefur verið í miklum vexti síðustu tvö ár og í fyrra tók smáforritið yfir keppnisforrit Landssambands hestamannafélaga, LH Kappa. HorseDay sér alfarið um niðurstöður hestamóta hérlendis og er Landsmót ekki undanskilið. HorseDay hefur nú tekið við af gömlu góðu Landsmótskránni en í smáforritinu er hægt að finna allar upplýsingar um Landsmótið á einum stað.
Kári Steinsson hitti á Odd Ólafsson framkvæmdarstjóra Landsmóts í Víðidalnum í dag og tók hann tali. Grunnvirknin HorseDay er ókeypis fyrir notendur en þar er hægt að fylgjast frítt með lifandi niðurstöðum og upplýsingum um kynbótahross. Með því að kaupa áskrift fá notendur dýpri innsýn inn í t.d. keppnisárangur tiltekinna hesta, lifandi tilkynningar og upplýsingar um störf dómara.