Conor McGregor kaupir Landsmótssigurvegara

Eins og frægt er eyddi Írski bardagakappinn Conor McGregor miklum tíma á Íslandi við upphaf ferilisins. Hann hefur alla tíð síðan verið mikill Íslandsvinur og aðdáandi landsins. Það sem færri vita er að á þeim tíma sem hann dvaldi hér féll hann fyrir íslenska hestinum og hans reiðhestskostum.

Hann hefur nú fest kaup á Tuma frá Jarðbrú en hann og knapi hans Matthías Sigurðsson unnu ungmennaflokkinn á Landsmótinu síðast liðið sumar.

„Gunnar [Nelson] hafði samband við mig í byrjun árs og spurði hvort ég ætti ekki einhvern góðann graðhest til sölu en hann væri að leita fyrir vin sinn. Mér datt strax Tumi í hug enda mikill gæðingur, fallegur, rúmur og með frábært geðslag.“ segir Sigurður Matthíasson sem hafði milligöngu um sölu á klárnum.

Ekki er vitað hvort Conor stefnir á keppni en hesturinn verður fluttur út í haust til Írlands og munu þeir feðgar Matthías og Sigurður fylgja þeim Tuma og Conor eftir með reiðkennslu.

Í gær sást til þeirra Conor og Matthíasar í Víðidalnum í gær en aðspurður segir Sigurður að Conor verði á ferðinni hjá honum seinni partinn í dag og ætla þeir að taka nokkra hringi á stóra vellinum. Sjón verður sögu ríkari

Frétt þessi var til gamans gerð þann 1.apríl árið 2025 og á því ekki við rök að styðjast.