„Ég er stoltur af liðinu í dag“

Norðurlandamótið í hestaíþróttum hélt áfram í dag og hægt er að fylgjast með mótinu í beinni á EiðfaxaTV.  Íslendingar eiga vaska sveit knapa á mótinu og gekk dagurinn í dag fremur vel.

Þegar dagurinn var hálfnaður hitti Ásta Björk Friðjónsdóttir þau feðgin, Sigvalda Lárus Guðmundsson þjálfara yngra landsliðs Íslands, og dóttur hans Elísabetu Líf Sigvaldadóttur, sem er knapi í landsliðinu.

Sigvaldi fór yfir keppnisdaginn og þá sérstaklega hvernig það er að halda utan um svo stóran hóp ungmenna líkt og keppti í forkeppni í tölti í dag en þau voru alls tíu talsins þá ræddi Ásta við það bæði hvernig það það gengur hjá þeim feðginum að starfa saman á vettvangi landsliðsins.

Viðtalið má horfa á hér að neðan.