ÚTGÁFUKAFFI Á MÆÐRADAGINN.

Á sunnudaginn kemur, þann 8. maí kl 15, býður Puzzled by Iceland í fjölskylduvænt kaffi í tilefni af upphafi samstarfs okkar og UNICEF…

Þá mun sala hefjast á sérstöku púsli til styrktar UNICEF sem ber heitið Móðurást en mæðradagurinn er einmitt á sunnudaginn.

Frú Vigdís Finnbogadóttir mun taka við fyrstu Móðurástinni en hún er verndari heimsforeldra UNICEF á Íslandi.

Verið velkomin á opið hús í Toppstöðinni í Elliðaárdalnum og fagnið með okkur yfir ljúffengu kaffi og kökum. Allar mömmur eru boðnar sérstaklega velkomnar.  

ÚTGÁFUKAFFI VEGNA SAMSTARFS PUZZLED BY ICELAND OG UNICEF
Sunnudaginn 8. maí
kl 15:00
Toppstöðin, Elliðaárdalnum (risastóra, gulbrúna húsið)

Fyrirtækið Puzzled by Iceland var stofnað í ágúst árið 2010 og hefur náð ótrúlegum árangri á skömmum tíma. Nýverið lenti viðskiptahugmyndin í öðru sæti í Gullegginu, frumkvöðlakeppni Innovit, og í lok apríl hlaut fyrirtækið veglegan styrk frá Atvinnumálum kvenna til að fara í útrás með vörumerkið Puzzled by.                            
Eigendur fyrirtækisins, þær Guðrún Heimisdóttir og Þóra Eggertsdóttir, eru báðar tveggja barna mæður og lá því beinast við að halda útgáfukaffið á mæðradeginum.
,,Við erum afskaplega stoltar af því að vera í komnar í samstarf við UNICEF. Þar vinnur yndislegt fólk og í raun má segja að það séu forréttindi að fá að vinna með þeim.“