Ívar, Sigurður og lið Árbæjarhjáleigu/Hjarðartúns stigahæst
Suðurlandsdeildin hefur ávallt verið einungis liðakeppni en í ár var ákveðið að bæta við einstaklingskeppninni. Á uppskeruhátíðinni voru verðlaunuð þrjú stigahæstu liðin, stigahæsti áhugamaðurinn og stigahæsti atvinnumaðurinn.
Stigahæsta liðið var lið Árbæjarhjáleigu/Hjarðartúns þriðja árið í röð. Knapar í liðinu eru þau Auður Stefánsdóttir, Arnhildur Helgadóttir, Hermann Arason, Ívar Örn Guðjónsson, Karen Konráðsdóttir og Stella Sólveig Pálmarsdóttir. Í öðru sæti varð lið Krappa og í því þriðja lið Gröfuþjónustunnar Hvolsvelli ehf.
Stigahæsti áhugamaðurinn var Ívar Örn Guðjónsson í liði Árbæjarhjáleigu/Hjarðartúns. Annar var Brynjar Nói Sighvatsson og þriðja Gyða Sveinbjörg Krisinsdóttir.
Stigahæsti atvinnumaðurinn var Sigurður Sigurðarsson í liði Krappa. Önnur var Arnhildur Helgadóttir og þriðja Elsa Mandal Hreggviðsdóttir.