Kynbótasýningar í Svíþjóð á EiðfaxaTV

Samningar hafa náðst milli Eiðfaxa og sænska ræktunarsambands íslenska hestsins, SIF Avel, um upptökur á kynbótasýningum ársins þar í landi. Í Svíþjóð eru sýnd 2-300 hross árlega í kynbótadómi og er Svíþjóð það land utan Íslands þar sem alla jafna flest hross eru sýnd í kynbótadómi.

Kynbótasýningar í Svíþjóð hafa verið kvikmyndaðar síðan árið 2020 og að tveimur árum frátöldum hefur sænska félagið sjálft séð um upptökurnar. Innifalið í samningnum nú er að þær upptökur sem sænska félagið hefur sjálft séð um verða gerðar aðgengilegar á EiðfaxaTV. Það eru því upptökur af hartnær 800 hrossum sem munu bætast við safnið á eiðfaxa tv á næstu misserum.

Þessi samningur bætir enn einni rós í hnappagat EiðfaxaTV en auk þéttskipaðrar vetrardagskrár bíður vorið og sumarið með fjöldaviðburða sem sýnt verður frá.

Þar má nefna að nú verða því bæði kynbótasýningar á Íslandi og Svíþjóð í sýningu á EiðfaxaTV og því getur áhugafólk um ræktun íslenska hestsins farið að láta sig hlakka til vorsins.

Fyrirhugaðar kynbótasýningar í Svíþjóð árið 2026.

HÉR ER HÆGT AÐ GERAST ÁSKRIFANDI AÐ EIÐFAXA TV

Eiðfaxi TV er aðgengilegt á vefnum, í snjallsímum, Apple TV, Android TV, Google TV og Amazon Fire TV.