Laugarhvammur sigraði liðakeppnina – Fjóla og Kolbrún stigahæstar

Lokamót Áhugamannadeildar Norðurlands fór fram með miklum glæsibrag í gær þar sem keppt var í tölti. Eftir spennandi vetur liggja nú fyrir lokaniðurstöður í liða- og einstaklingskeppni deildarinnar árið 2026.

Lið Laugarhvamms með fullt hús stiga

Það ríkir engin óvissa um það hvaða lið væri sterkast í ár, en lið Laugarhvamms vann það fágæta afrek að sigra liðakeppnina í öllum greinum deildarinnar. Liðið endaði með 248,5 stig, öruggum 34,5 stigum á undan liði Syðra-Skörðugils.

Lið Laugarhvamms skipa þau Kolbrún Stella Indriðadóttir, Gréta B. Karlsdóttir, Herdís Einarsdóttir, Eva-Lena Lohi, Fríða Marý Halldórsdóttir og Ragnar Smári Helgason. Þjálfari liðsins er Jóhannes Ingi Björnsson.

Efstu lið í liðakeppni:

Laugarhvammur – 248,5 stig

Syðra-Skörðugil – 214 stig

N1 Smiðjan – 179 stig

Steinliggur – 163,5 stig

Norðurlagnir – 141 stig

Kolbrún Grétarsdóttir hlutskörpust í meira keppnisvönum

Í flokki meira keppnisvanra var það Kolbrún Grétarsdóttir sem stóð uppi sem stigahæsti knapi deildarinnar með 65 stig. Kolbrún átti frábæran vetur á Jaðrakan frá Hellnafelli, en þau sigruðu töltið á lokamótinu og höfnuðu í öðru sæti í fjórgangi.

Spire Ohlsson veitti henni harða keppni og endaði í öðru sæti, en hún sigraði fimmganginn í vetur. Kolbrún Stella Indriðadóttir hafnaði í þriðja sæti eftir sigur í fjórgangi og annað sæti í tölti.

Einstaklingskeppni – Meira keppnisvanir:

Kolbrún Grétarsdóttir – 65 stig

Spire Ohlsson – 62 stig

Kolbrún Stella Indriðadóttir – 55 stig

María Marta Bjarkadóttir – 49,5 stig

Herdís Einarsdóttir – 46 stig

Kolbrún Grétarsdóttir með hest sinn Jaðrakan frá Hellnafelli

Fjóla Viktorsdóttir drottnaði í minna keppnisvönum

Fjóla Viktorsdóttir sýndi mikla yfirburði í flokki minna keppnisvanra. Hún sigraði bæði fimmgang og tölt í vetur, auk þess að vera í öðru sæti í fjórgangi, og endaði með 82 stig.

Guðlaug Reynisdóttir átti einnig mjög stöðugan vetur á Þulu frá Bringu og reið til úrslita í öllum greinum, sem skilaði henni öðru sætinu í heildarstigakeppninni. Guðmundur Sigfússon fylgdi fast á eftir í þriðja sætinu.

Einstaklingskeppni – Minna keppnisvanir:

Fjóla Viktorsdóttir – 82 stig

Guðlaug Reynisdóttir – 75 stig

Guðmundur Sigfússon – 58,5 stig

Sigríður Kristín Sverrisdóttir – 48 stig

Hrefna Hafsteinsdóttir – 46 stig

Fjóla Viktorsdóttir með hest sinn Fána frá Sperðli

Úrslit í tölti á lokamótinu

Keppni í tölti var lokagrein deildarinnar og voru úrslit eftirfarandi:

Tölt T3 (Meira keppnisvanir):
1.-2. Kolbrún Grétarsdóttir / Jaðrakan frá Hellnafelli – 6,72
1.-2. Kolbrún Stella Indriðadóttir / Grein frá Sveinatungu – 6,72
3. Herdís Einarsdóttir / Griffla frá Grafarkoti – 6,61
4. Brynhildur Heiða Jónsdóttir / Ásaþór frá Hnjúki – 6,50
5. Þóranna Másdóttir / Dalmar frá Dalbæ – 6,22
6. Rakel Gígja Ragnsdóttir / Garún frá Grafarkoti

Kolbrún og Jaðrakan í töltkeppni

Tölt T7 (Minna keppnisvanir):

1.Fjóla Viktorsdóttir / Fáni frá Sperðli – 6,58
2.-3. Guðlaug Reynisdóttir / Þula frá Bringu – 6,50
2.-3. Guðmundur Sigfússon / Mídas frá Köldukinn 2 – 6,50
4. Ester Anna Eiríksdóttir / Hátíð frá Garðsá – 6,33
5.Fríða Marý Halldórsdóttir / Snilld frá Efri-Fitjum – 6,25
6.Björgvin Antonsson / Sesar frá Eskifirði – 6,08

Fjóla og Fáni í töltkeppninni