„Stolt af tilnefningum og hlökkum til framtíðarinnar“

Blaðamaður Eiðfaxa heimsótti þau Hjörvar Ágústsson og Hönnu Rún Ingibergsdóttir að Kirkjubæ á Rangárvöllum. Þar stunda þau tamningar bæði fyrir Kirkjubæjarbúið og fleiri.

Þau hafa nú komið sér upp bættri aðstöðu því reiðhöll var tekin í notkun síðastliðinn vetur. Þegar blaðamann bar að garði var einmitt verið að tengja ljós í reiðhöllina en einn ljóskastari var látinn duga í skammdeginu síðasta vetur.

Kirkjubær er eitt af þeim búum sem tilnefnt er til keppnishestabús ársins og þá er Hanna rún tilnefnd til gæðingaknapa ársins.