Jakob Svavar og Lið Hjarðartúns í forystu!

Á vef Meistaradeildarinnar birtist nú rétt í þessu staðan í einstaklings- og liðakeppni eftir þrjár fyrstu greinarnar. Nú er lokið keppni í fjórgangi, slaktaumatölti og Fimmgangi.

Jakob Svavar Sigurðsson sigraði í keppni í fjórgangi á Hálfmána frá Steinsholti, hann varð í fimmta sæti í slaktaumatölti á Vallarsól frá Völlum og sigraði svo keppni í fimmgangi í gærkvöldi á Skýr frá Skálakoti.

Hann hefur því með þessari frábæru byrjun hafið titilvörn sína í Meistaradeildini af glæsibrag en Jakob Svavar sigraði einstaklingskeppnina í fyrsta skipti á síðasta keppnistímabili og ætlar sér greinilega að halda því sæti. Þá fékk hann 55 stig í heildarkeppninni!

Nýstofnað Lið Hjarðartúns hefur komið eins og stormsveipur inn í deildina og er eins og Jakob með töluverða forystu í liðakeppninni. En í liðinu eru auk Jakobs, Þórarinn Ragnarsson, Elvar Þormarsson, Hans Þór Hilmarsson og Helga Una Björnsdóttir liðsstjóri,

Það eru þó ennþá næg stig eftir í pottinum þar sem eingöngu þremur keppnisgreinum af átta er lokið og því getur allt gerst.

Lið Hjarðartúns Mynd: Gunnar Freyr

Staðan í einstaklingskeppni

Staðan í liðakeppni

Dagskrá