Peningaverðlaun á opna Gæðingamótinu á Flúðum

Opið gæðingamót verður haldið 23.-26.júlí næstkomandi á Flúðum en það eru hestamannafélögin þrjú í uppsveitum Árnessýslu sem standa að mótinu Smári, Logi og Trausti. Þetta mót hefur verið mjög vaxandi undanfarinn ár og er létt stemning í bland við frábæra hesta í fyrirrúmi.

Helstu styrktaraðilar mótsins eru Gröfutækni og Dýralæknirinn Flúðum en þessir aðilar hafa gefið að út að þeir muni veita peningaverðlaun bæði í tölti T3 18 ára og eldri og 100 metra skeiði. Sigurvegari í hvorri grein um sig fær hvorki meira né minna en 100.000 krónur í sigurlaun.

Skráning á mótið er hafinn og lýkur henni á miðnætti þann 20.júlí.

Í samtali Eiðfaxa við Braga Viðar Gunnarsson formann Hestamannafélagsins Smára segist hann vera spenntur fyrir mótinu sem hafi stækkað ár frá ári. Þá lofar hann því að vel verði tekið á móti öllum þeim sem geri sér ferð á Flúðir þessa helgi bæði áhorfendum og keppendum.

Flokkar í boði: A-flokkur , A-flokkur áhugamanna, A-flokkur Ungmenna, B-flokkur, B-flokkur Áhugamanna, Ungmennaflokkur, Unglingaflokkur, Barnaflokkur,

Tölt T3 18 ára og eldri, Tölt T3 17 ára og yngri, Tölt T7 Börn og 100 metra skeið.

Skráningargjald í eldri flokka er 4500 kr og í yngri flokka 3500kr

Skráningargjald í skeið er 4500 kr

Skráning fer fram inn á sportfeng. Skráning hefst 17 júlí og lýkur 20 júlí að miðnætti.

Mótanefnd áskilur sér þann rétt að fella niður flokka ef ekki er næg þátttaka.