Fimmtán hross hlutu 9,5 fyrir tölt

Alls hlutu fimmtán hross einkunnina 9,5 fyrir tölt í ár hér á landi. Meðalaldur þessara hrossa er 6,46 ár. Af þessum fimmtán hrossum eru fjórir stóðhestar. Sjö þeirra hlutu einkunnina á vorsýningu, þrjú á miðsumarssýningu og fimm á siðsumarssýningu.

Ræktunarbúið að Þjórsárbakka á tvær hryssur í þessum hópi þær Auðlind og Rjúpu  en báðar eru þær útaf gæðingamóðurinni Eldingu frá Hóli. Teitur Árnason sýndi fjögur þessara hrossa áðurnefndar hryssur frá Þjórsárbakka, Vonanda frá Halakoti og Heiður frá Eystra-Fróðholti.

Árni Björn Pálsson er sýnandi að tveimur hrossum sem 9,5 hlutu fyrir tölt en það eru Elva frá Auðsholtshjáleigu og Sólfaxi frá Herríðarhóli.

Listi með þeim hrossum sem hlutu 9,5 fyrir tölt.