Stefnir í metár í útflutningi

Það stefnir í annað metár í útflutningi ef horft er í heildarfjölda útfluttra hrossa á árinu. Nú þegar hafa verið flutt út 2.055 hross og er eingöngu september. Árið í fyrra var metár en þá voru flutt út rúmlega 2.300 hross sem var 54% fjölgun frá árinu áður. Til gamans má geta að frá árinu 2011 hafa að meðaltali 1.446 hross verið flutt út þetta er því mikil aukning síðustu tvo ár.

Flest hrossin hafa verið að fara til Þýskalands eða 854 talsins. Þar á eftir koma Danmörk (337 hross), Svíþjóð (292 hross) og Sviss (101 hross). Þá er einnig áhugavert að sjá að fjögur hross hafa verið flutt út til Rúmeníu og átta hross til Írlands en það eru ekki algeng útflutningslönd.

Hægt er að skoða sundurliðun eftir löndum sem flutt var út til og samanburð á milli áranna 2019, 2020 og 2021 í töflunni hér fyrir neðan.