Samantekt frá föstudegi á Norðurlandamóti

Dagurinn byrjaði hjá okkar fólki á B-úrslitum í Tölti T1 ungmennaflokki. Þar átti sæti Harpa Dögg Bergmann Heiðarsdóttir og Heiður frá Boange, enduðu þau í 8. sæti með einkunnina 6,33. Þá tóku við B-úrslit í Fimmgangi fullorðinna, þar var efstur inn í úrslit Sigurður Vignir Matthíasson og Starkar frá Egilsstaðakoti og enduðu þeir í 8. sæti með einkunnina 6,40. Næst voru það Guðmar Hólm Líndal og Kjarkur frá Lækjamóti II sem kepptu í B-úrslitum í Fjórgangi ungmenna og enduðu þeir í 8. sæti með einkunnina 6,37. Þá tóku við B-úrslit í gæðingakeppni í ungmennaflokki og þar kepptu Hulda María Sveinbjörnsdóttir og Glóð frá Háholti sem enduðu í 10. sæti með 8,26 í einkunn.

Fyrstu A-úrslitin hjá okkar fólki voru í Slaktaumatölti ungmennaflokki, en þrír íslenskir knapar áttu sæti þar og röðuðu þau sér í þriðja, fjórða og fimmta sæti í úrslitunum.

Eva Kærnested og Garri frá Fitjum enduðu í 3. sæti með einkunnina 6,46, til hamingju með bronsið Eva! Védís Huld Sigurðardóttir og Stimpill frá Varmadal urðu í 4. sæti með einkunnina 6,21. Guðmar Hólm Líndal og Kjarkur frá Lækjamóti II  urðu í 5. sæti með einkunnina 5,58

Catharina Smidth og Nökkvi frá Ryethöj eru Norðurlandameistarar í T2 ungmennaflokki, en þau áttu frábæra sýningu og hlutu í einkunni 7,50.

Frábær árangur hjá okkar knöpum, til hamingju!

Eva Kærnested og Garri frá Fitjum