Ort um fáka

Skáld og hagyrðingar hafa frá upphafi Íslandsbyggðar ort um samskipti sín við hestinn. Sérstaklega var það vinsæl iðja á 19. öld og fyrri hluta 20. aldar. Menn ortu um hin ýmsu málefni sem tengdust hestum og gjarnan var hálfgerð ádeila í kvæðunum. Gunnar Bjarnason, sem var hrossaræktarráðunautur á árunum 1940-1961 var oft á tíðum yrkisefni hestamanna á meðan hann sinnti því starfi. Árið 1941 ferðaðist hann á mótorhjóli á hrossasýningar í Skagafirði. Við það tækifæri orti Stefán Vagnsson, þá bóndi á Hjaltastöðum og sýningarstjóri í á hrossasýningu í Skagafirði þetta kvæði:

„Talaði fátt um tölt og skeið

og tilþrif gæðinganna.

Sinni mótormeri reið

milli sýninganna.“

Heimild : ,,Fjörið blikar augum í…“ – Safn hestavísna eftir Albert Jóhannsson

Ef að þú lumar á skemmtilegri hestavísu sendu á [email protected]