Sys Pilegaard og Abel fra Tyrevoldsdal efst

Það styttist í Heimsmeistaramótið í Hollandi í ágúst en nú eru 10 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum í hverri grein. WR listinn er byggður á þremur hæstu einkunnunum sem knapi og hestur hafa náð sér í á WR mótum síðustu tvö ár.

Efst á WR listanum í tölti er Sys Pilegaard á Abel fra Tyrevoldsdal með meðaltalið 8.79. Sys keppir fyrir Danmörku. Árni Björn Pálsson á Ljúf frá Torfunesi á þó hæstu einkunnina sem gefin hefur verið í forkeppni á WR móti síðustu tvö árin en þeir hlutu 9.07 á Landsmótinu á Hellu í fyrra. Þeir eru ekki að fara keppa á Heimsmeistaramótinu.

Fyrir hönd Íslands keppa þau Jóhanna Margrét Snorradóttir á Bárði frá Melabergi og Viðar Ingólfsson á Þór frá Stóra-Hofi. Jóhanna og Bárður eru í öðru sæti á listanum en ef árslistinn er skoðaður er þau efst á honum og með hæstu einkunnina sem gefin hefur verið í forkeppni á árinu eða 8,90. Á árslistanum eru Viðar og Þór í fimmta sæti.

Það verður hörkuspennandi að fylgjast með töltinu á Heimsmeistaramótinu.