Hæst dæmdu hross ársins

Nú þegar kynbótasýningum árið 2022 er lokið þá er gaman að renna yfir árið og skoða helstu afrek. Búið er að fara yfir níufimmur og tíur ársins í einstökum eiginleikum hér á vef Eiðfaxa og nú ætlum við að skoða hæst dæmdu hross ársins.

Hæst dæmda hross ársins er Viðar frá Skör en hann setti heimsmet í vor þegar hann hlaut 9.04 í aðaleinkunn. Viðar er undan Hrannari frá Flugumýri og Vár frá Auðsholtshjáleigu. Annar er Sindri frá Hjarðartúni, sem setti heimsmet í hæstu hæfileikaeinkunn á Landsmótinu í sumar, en hann er með 8.99 í aðaleinkunn. Sindri er undan Stála frá Kjarri og Döguni frá Hjarðartúni. Þriðja er síðan Álfamær frá Prestsbæ sem hlaut 8,87 í aðaleinkunn í vor en hún er undan Spuna frá Vesturkoti og Þóru frá Prestsbæ.

Þegar rýnt er yfir listann má sjá að Konsert frá Hofi á þar tvo fulltrúa, Dívu frá Austurási (8.77) og Ganda frá Rauðalæk (8.72) og Sleipnisbikarhafinn á Landsmótinu í sumar, Sjóður frá Kirkjubæ, á þar líka tvo fulltrúa; Seðil frá Árbæ (8.75) og Þyrnirós frá Rauðalæk (8.67).

Hér fyrir neðan er hægt að sjá þrjá lista; 10 hæst dæmdu hross ársins, 10 hæst dæmdu hryssurnar og 10 hæst dæmdu stóðhestana.

Tíu hæst dæmdu hross ársins

Tíu hæst dæmdu stóðhestar ársins

Tíu hæst dæmdu hryssur ársins