Hvít jól koma Matthíasi í jólaskapið

Matthías Sigurðsson er knapi í U21 landsliðshópi Íslands. Hann kemur úr hestamannafélaginu Fáki þar sem hann stundar hestamennsku með foreldrum sínum. Matthías stundar einnig nám við Menntaskólann við Sund.

Matthías er viðmælandi í Jólamola dagsins

Jólamolar Eiðfaxa munu birtast reglulega fram að jólum en þar fáum við að kynnast alls konar hestamönnum í öðru ljósi og komast að því hvað það er sem kemur þeim í jólaskap.

Hvað ert þú að brasa þessa dagana ?
Ég var að byrja mitt fyrsta ár í Menntaskólanum við Sund og svo ríð ég út eftir skóla.

Með hvaða hross stefnirðu á Heimsmeistaramót og í hvaða grein?
Ég stefni með Dýra frá Hrafnkellstöðum í T2 og fjórgang og Tign frá Fornusöndum í gæðingaskeið.

Hvort myndirðu skilgreina þig sem Elf eða The Grinch?
The Grinch

Hver er þín uppáhalds jólaminning?
Á jóladag einu sinni þegar ég var 8 ára prófaði ég Andra frá Vatnsleysu og var það mjög skemmtilegt

Hver er eftirminnilegasta jólagjöfin sem þú hefur fengið?
Margar góðar gjafir erfitt að gera upp á milli.

Hver er uppáhalds jólahefðin þín?
Þegar við fjölskyldan hittumst öll á jóladag og spilum saman

Hvert er þitt uppáhalds jólalag?
Ef ég nenni með Helga Bjöss

Hver er þín uppáhalds jólamynd?
Home Alone

Hvað borðar þú á aðfangadag?
Rjúpur

Hvað langar þig í jólagjöf í ár?
Þar sem það er kalt úti þessa dagana væri heppilegt að fá góðan kuldagalla í hesthúsið.

Hvað kemur þér í jólaskap?
Hvít jól