Möndlugrauturinn er uppáhalds jólahefðin hans Jóns

Jón Ársæll Bergmann er knapi í U21 landsliðshópi Íslands. Hann kemur úr hestamannafélaginu Geysi en hann býr í Bakkakoti í Landeyjunum þar sem hann þjálfar og temur hesta.

Jón Ársæll er viðmælandi í Jólamola dagsins

Jólamolar Eiðfaxa munu birtast reglulega fram að jólum en þar fáum við að kynnast alls konar hestamönnum í öðru ljósi og komast að því hvað það er sem kemur þeim í jólaskap.

Hvað ert þú að brasa þessa dagana ?
Ég er að þjálfa og temja hesta.

Með hvaða hrossa stefnirðu á Heimsmeistaramót og í hvaða grein?
Ég stefni með Rikka frá stóru-gröf ytri í skeiðgreinar og Völku frá íbishóli líka í skeiðgreinar.

Hvort myndirðu skilgreina þig sem Elf eða The Grinch?
Ég væri Elf.

Hver er uppáhalds jólahefðin þín?
Möndlugrauturinn á aðfangadag.

Hvert er þitt uppáhalds jólalag?
Þegar þú Blikkar.

Hver er þín uppáhalds jólamynd?
Home alone er sú allra besta.

Hvað borðar þú á aðfangadag?
Hamborgarahrygg.

Hvað langar þig í jólagjöf í ár?
Er ekki farinn að hugsa svo langt.

Hvað kemur þér í jólaskap?
Að horfa á jólamynd á Þorláksmessu.