Niðurstöður frá gæðingamóti Sleipnis

Gæðingamót Hestamannafélagsins Sleipnis fór fram í gær laugardaginn 6.júní í frábæru veðri. Skráning á mótið var lítil og er ljóst að hestamannafélög í landinu sem og LH þurfa að leggjast á eitt um það að halda uppi heiðri gæðingakeppninnar, ef vilji er fyrir, sem virðist vera á miklu undanhaldi og um land allt er lítil þátttaka í gæðingakeppnum.

Á mótinu sáust margar flottar sýningar og var blaðamaður Eiðfaxa til að mynda viðstaddur forkeppni í B-flokki þar sem frábærir hestar mættu til leiks.

Í B-flokki var það Glampi frá Ketilsstöðum sem stóð efstur en knapi á honum var Olil Amble. Er hann því handhafi klárhestaskjölds Sleipnis sem veittur er efsta gæðingi í B-flokki og skorinn út af Siggu á Grund.

Vængur frá Grund stóð efstur alhliða gæðinga en knapi á honum var Anna Kristín Friðriksdóttir. Efsti hestur í eigu Sleipnisfélaga var Heimir frá Flugumýri sem Sigursteinn Sumarliðason. Hlaut hann því Sleipnisskjöldinn sem veittur er efsta alhliðahesti í eigu Sleinisfélaga og var fyrst veittur árið 1950.

Önnur úrslit mótsins má kynna sér hér fyrir neðan.