Olivia leiðir A flokk ungmenna

Norðurlandamótið hófst nú í morgun og er í beinni útsendingu á EiðfaxaTV, í dag er keppt í forkeppni í gæðingakeppni. Eftir B flokkinn var farið í forkeppni í A flokki ungmenna, Ísland átti þar tvo fulltrúa en alls kepptu 14 pör í forkeppni.

Olivia Kasperczyk og Már frá Rauðalæk eru efst eftir forkeppni með 8,42 í einkunn en þau keppa fyrir hönd Danmerkur. Þar á eftir er samlandi hennar Mathilde Hudlebusch Vestergaard á Hroka frá Margrétarhofi með 8,36 í aðaleinkunn og í þriðja er Ester Östberg á Hátindi frá Álfhólum með 8,31 í einkunn en þau keppa fyrir Svíþjóð.

Kristín Eir Hauksdóttir Holaker tryggði sér einnig sæti í A úrslitum en hún er á Engli frá Ytra-Bægisá I og enduðu þau í sjöunda sæti með 8,23 í einkunn. Guðmar Hólm Ísólfsson náði ekki í sæti í úrslitum en hann sat Leik frá Lækjamóti II og klikkaði skeiðið hjá þeim félögum.

A úrslit í A flokki ungmenna fara svo fram seinni partinn á fimmtudaginn. Hægt er að nálgast allar niðurstöður, ráslista og annað á snjallforritinu HorseDay.

Niðurstöður úr forkeppni í A flokki ungmenna