Styttist í að Meistaradeild ungmenna og Top Reiter hefjist

„Spennan magnast og það styttist í fyrsta keppniskvöldið í Meistaradeild ungmenna og Top Reiter 2024 en það er föstudagskvöldið 2. febrúar og fer fram í Horse Day höllinni Ingólfshvoli í Ölfusi þar sem öll keppniskvöld deildarinnar fer fram keppnistímabilið 2024. Endilega takið kvöldin frá og mætið á svæðið til að styðja þessi flottu ungmenni sem eru stjörnur framtíðarinnar.“ segir í tilkynningu frá stjórn deildarinnar.

Keppniskvöldin verða fimm talsins eins og í fyrra og eru þau eftirfarandi:

Föstudagur 2.febrúar – fjórgangur V1
Föstudagur 16.febrúar – fimmgangur F1
Laugardagur 9.mars – Gæðingalist
Föstudagur 22.mars – slaktaumatölt T2
Laugardagur 6.apríl – Tölt T1 og skeið í gegnum höllina

Top Reiter er aðalstyrktaraðili Meistaradeild Ungmenna 2024 og þakkar stjórnin þeim kærlega fyrir stuðningin. Alendis mun streyma frá öllum keppniskvöldunum eins og undanfarin ár.