Lokasýning eftir starf vetrarins á reiðnámskeiðunum fyrir börn og ungmenni með fötlun

“Góðan daginn 

Langar að vekja athygli á viðburði sem verður núna á morgun þriðjudaginn 4.júní frá kl. 17:30 – ca 20:00 í reiðhöll Harðar í Mosfellsbæ en þá  ætlum við að bjóða öllum nemendum vetrarins, vinum og vandamönnum að koma og gleðjast með okkur í reiðhöll Harðar í Mosfellsbæ. Nemendum vetrarins gefst kostur á að vera með í sýningu þar sem þeir sýna vinum og vandamönnum það sem þeir hafa áorkað í vetur sem er nú ekki lítið. 

 

Nemendum hjá okkur á námskeiðunum hafa farið fjölgandi og virkilega gaman að sjá hversu ótrúlega fjölbreyttur hópur sækir námskeiðin og hvað þau taka ótrúlegum framförum í reiðmennsku – hver á sínum forsendum.

 

Eftir að nemendur hafa lokið sýningu þá munum við bjóða upp á atriði þar sem hið einstaka samband manns og hests verður sýnt á fjölbreyttan og stórkostlegan hátt — það má enginn missa af því ! 

 

Boðið verður upp á grillaðar pylsur og með því!

 

Hlakka til að sjá sem flesta  og fagna frábærum liðnum vetri með okkur :D,“ segir í tilkynningu frá aðstandendum