Efsta-Sel ræktunarbú Spretts 2025

17. nóvember 2025
Fréttir

Uppskeruhátíð ræktunarnefndar Spretts fór fram þann 15. nóvember í veislusal félagsins.

Á árinu var sýndur fjöldinn allur af hrossum ræktuðum af skuldlausum félagsmönnum Spretts. Mikil gróska er í ræktun félagsmanna sem sjá má af fjölda þeirra hrossa sem skilaði sér til dóms á árinu.

Veitt voru verðlaun til þriggja efstu hrossa í hverjum flokki. Auk þess ákvað ræktunarnefnd Spretts að veita ungum Sprettara, henni Aniku Hrund Ómarsdóttur viðurkenningu ungs sýnanda fyrir stórgóðar sýningar á Sólmyrkvu frá Álfhólum og Náttfara frá Álfhólum. Hannesi Hjartarsyni fyrrum formanni ræktunarnefndarinnar var veitt viðurkenning fyrir hans störf í þágu ræktunarnefndarinnar en hann hefur haft veg og vanda af flestum þeim viðburðum sem nefndin hefur staðir fyrir síðustu ár.

Anika Hrund Ómarsdóttir hlaut viðurkenningu sem ungur sýnandi

Gunnar Arnarsson og Kristbjörg Eyvindsdóttir héldu erindi um sögu hrossaræktar þeirra hjóna í 35 ár að Auðsholtsjáleigu. Virkilega skemmtilegt og fróðlegt erindi um magnaða ræktunarsögu og árangur.

Eftirfarandi hross voru verðlaunuð eftir flokkum.

ALDURSFLOKKUR	FAEDINGARNUMER	HROSS	UPPRUNI	AE

7 vetra og eldri stóðhestar	IS2017182581	Gýmir	frá Skúfslæk	8.55
7 vetra og eldri stóðhestar	IS2016101056	Þór	frá Hekluflötum	8.35
7 vetra og eldri stóðhestar	IS2018165791	Sporður	frá Ytra-Dalsgerði	8.17
7 vetra og eldri hryssur	IS2018288560	Kempa	frá Kjarnholtum I	8.64
7 vetra og eldri hryssur	IS2018280469	Lára	Eystri-Hól	8.49
7 vetra og eldri hryssur	IS2015238170	Hrönn	frá Stóra-Múla	8.46
6 vetra stóðhestar	IS2019181522	Skuggi	frá Sumarliðabæ 2	8.56
6 vetra stóðhestar	IS2019180326	Fálki	frá Traðarlandi	8.53
6 vetra stóðhestar	IS2019184171	Spaði	frá Fornusöndum	8.50
6 vetra hryssur	IS2019284981	Vala	frá Vindási	8.76
6 vetra hryssur	IS2019286184	Sparta	frá Eystra-Fróðholti	8.63
6 vetra hryssur	IS2019281512	Líf	frá Sumarliðabæ 2	8.54
5 vetra stóðhestar	IS2020186644	Dalvar	frá Efsta-Seli	8.99
5 vetra stóðhestar	IS2020182315	Viktor	frá Hamarsey	8.53
5 vetra stóðhestar	IS2020156818	Fleygur	frá Geitaskarði	8.43
5 vetra hryssur	IS2020281513	Alda	frá Sumarliðabæ 2	8.71
5 vetra hryssur	IS2020281514	Ragna	frá Sumarliðabæ 2	8.57
5 vetra hryssur	IS2020282594	Stjarna	frá Breiðholti í Flóa	8.34
4 vetra stóðhestar	IS2021187645	Kopar	frá Laugarbökkum	8.23
4 vetra stóðhestar	IS2021156813	Auður	frá Geitaskarði	8.16
4 vetra stóðhestar	IS2021181514	Bassi	frá Sumarliðabæ 2	8.13
4 vetra hryssur	IS2021282593	Snilld	frá Breiðholti í Flóa	8.27
4 vetra hryssur	IS2021249201	Blæja	frá Bjarnarnesi	8.23
4 vetra hryssur	IS2021258720	Ósk	frá Hjaltastöðum	8.03

Hæst dæmda hross Spretts árið 2025 er Dalvar frá Efsta-Seli undan Lóu frá Efsta-Seli og Adrian frá Syðra Garðshorni á Þelamörk og er hann jafnframt hæst dæmdi 5 vetra stóðhestur frá upphafi. Hann hlaut 8.99 i aðaleinkunn, 9.01 fyrir bygging og 8.98 fyrir hæfileika.

Ræktunarbú Spretts 2025 er Efsta-Sel en frá búinu voru sýnd 5 hross og telja 4 þeirra til stiga með aldursleiðrétta meðaleinkunn uppá 8.54. Hæst ber að nefna Dalvar frá Efsta Seli með aldursleiðrétta meðaleinkunn uppá hvorki meira né minna en 9.14. Hin hrossin eru Eldir, Gustur og Líf frá Efsta-Seli. Meðalaldur þessara 4 hrossar er 5.25 ár. Ræktendur hrossanna eru Hilmar Sæmundsson og Daníel Jónsson.