Arnoddur frá Auðsholtshjáleigu á toppinn-

Áfram halda hæfileikadómar stóðhesta að falla hér á HM í St. Radegund. Í flokki 6 vetra hross sýndi Sigurður V. Matthíasson hinn faxprúða Arnodd frá Auðsholtshjáleigu. Sýningin gekk vel og hlutu þeir 8,38 fyrir hæfileika og eru því með í aðaleinkunn 8,43 og eru í efsta sæti í sínum flokki.

Í öðru sæti er hin sænski Dreki fran Lind með 8,30 og í því þriðja er Bjartur von Hof Osterkamp frá Þýskalandi með aðaleinkunina 8,29.

Sýningar dönsku hrossanna gengu frekar brösulega í dag. Fengur fra Staagerup hlaut 7,94 fyrir hæfileika sem er langt frá 8,66 dómnum sem hann hlaut í sumar. Það sama má segja um Hektor fra Engholm sem fer lækkar úr 8,48 í 7,49 fyrir hæfileika.

Yfirlitssýning stóðhesta fer fram á laugardag en þá hafa Feykir, Arnoddur og félagar færi á að hækka hæfileikaeinkunn sína.

Dómur Arnodds

Sköpulag:

Höfuð   8

Háls/herðar/bógar         8.5

Bak og lend        8.5

Samræmi            8.5

Fótagerð             8.5

Réttleiki               8

Hófar    9

Prúðleiki              8.5

Sköpulag             8.5

Hæfileikar:

Tölt        8.5

Brokk    8.5

Skeið     8

Stökk    8.5

Vilji og geðslag 8.5

Fegurð í reið      8.5

Fet         8

Hægt tölt            8.5

Hægt stökk        8

Hæfileikar           8.38

Aðaleinkunn      8.43